Fiji Praim Minista laik long kantri i gat niupela flag

Fiji Praim Minista laik long kantri i gat niupela flag

Fiji Praim Minista laik long kantri i gat niupela flag

Postim 2 January 2013, 10:25 AEST

Interim Praim Minista Frank Bainimarama itok Fiji imas gat niupela flag we i makim trutru "identity" blong kantri.

Commodore Bainimarama ibin tokaut long dispela long toktok blongen long kantri long makiml New Year.

Tasol em ino mekim toktok long dispela Union Jack flag blong England we i stap long flag blong Fiji - na sapos em bai stap yet o ol bai rausim.

Flag blong Fiji nau ia igat Union Jack long top left-hand kona na shield from coat of arms blong Fiji i stap long rait sait.

Long mun Novemba, Reserve Bank blong Fiji i rausim het blong Queen Elizabeth II long moni blong ol, na putim niupela piksa blong ol animol na flaoa na diwai blong Fiji yet.

Long toktok blongen long New Year, Commodore Bainimarama i toktok long niupela mama loa blong kantri we em itok em bai redi insait long tripela mun.

Em itok dispela bai makim rot blong votim niupela gavman long 2014.

Em itok ol dispela senis i soim niupela tingting long kantri long makim ol trutru mak blong Fiji na niupela bilip long Fiji long wol.

ABC/AFP