PNG OK Tedi Spesel stori

PNG OK Tedi Spesel stori

PNG OK Tedi Spesel stori

Updated 8 January 2013, 10:06 AEDT

Bigpela Ok Tedi  gold na kopa main long Papua New Guinea i no gat gutpla nem long bagarapim environment.

Moa long tenpela yar igo pinis stat long taim BHP Billiton,  kampani  em ibin kamapim ol bagarap i lusim eria na ol  shareholda na pipol bilong PNG.

Stat long despela taim Ok Tedi Maining Limited i kamapim senis long em yet. Em ibin lusim moa wan billion dollar bilong stretim ol heve long environment na putim kamap wanpela plan igo long ol papa graun bilong sukurim laif taim bilong main igo inap long  2025.

Jemima Garrett  ibin igo lukluk raun long Papua New Guinea na redim wanpla ripot we emi tok  Ok Tedi main  istap long  longwe hap bilong Star Maunten, klostu long  boda mak bilong PNG na Indonesia na istap antap long het bilong Fly River.

Igat 1,000 kilometres bilong ol han wara namel long  hap na Torres Strait, ol wara em i katim sampela long ol rich rainforest  long world.

Planti thousand pipol i save istap arere long ol wara isave kisim strong na halavim long wara long wokim gaden kaikai na ol fish bilong halavim sidaun bilong ol.

BHP ibin opim  Ok Tedi  kopa main long yar 1982.

Long taim bilong wokim kamap tailings dam bilong Ok Tedio, em ibin fail. Kampani nau i kamapim tingting bilong tromweim ol pipia bilongen igo long ol han wara em i save igo join wantaim Ok Tedi na Fly River.

Ikam inap long yar 1990s nau planti million tonne bilong ol pipia i pasim ol rot bilong wara,na kamapim bagarap long planti thousand hectares  bilong ol forest na  bagarapim ol villlage na gaden kaikai.

Bilong harim moa yu go long Pacific beat websait.

www.radioaustralia.net.au/pacific.