Wari blong Philippine raun win i kamapim long ol pipol istap yet

Wari blong Philippine raun win i kamapim long ol pipol istap yet

Wari blong Philippine raun win i kamapim long ol pipol istap yet

Postim 8 January 2013, 15:39 AEST

Wanpela ripot blong United Nations ibin tok klostu wan million pipol nau i nidim halivim long ol kaikai long ol ples  long Saut-Easten Philippines

Emi tok oli wok long kisim nogut yet  long ol wari blong oli no stap long ples blong ol wanpela mun bihain  long strongpela raun win Bopha ibin bagarapim ol samting  long dispela hap.

Dispela strongpela raun win  ibin kilim moa  long 1,000 pipol na mekim moa long narapela 800 iwok long lus yet ikam inap nau.

Ol  offisel blong Philippine sosel Welfea na lain Wold Food Program ibin tok na kaikai oli stat dilim olaut pinis igo long 238-tausen pipol, na bai oli statim wanpela wok halivim klostu long lukluk long ol dispela pipol emi oli laikim halivim.

Na  offis  blong United Nations emi save lukautim wari blong ol pipol ibin ripot na itok liklik mak blong moni tasol em United Nations ibin askim inap long 65 million America dolla oli bin kisim.

Gavana blong Albay provins long Philippines, Joey Salceda, ibin tok ol dispela kantri em "greenhaus emmission blong ol ibin kamapim ol dispela senis long ol kain taim, imas kisim  sampela  long ol dispela blame -em ol pipol blong em i bungim nau

Dispela provins olgeta taim isave bungim  strongpela ol raun win na ren na em ibin tok emi sori tru long ol kantri long wol ino mekim samting kuik long wari blong climate change.