Bikpla mama san i kamapim ol bikpla Australian paia

Bikpla mama san i kamapim ol bikpla Australian paia

Bikpla mama san i kamapim ol bikpla Australian paia

Updated 9 January 2013, 8:35 AEDT

Moa long 140 ol bikpla bush paia iwok long hamarim na kukim planti hap blong NSW na wankaen wari iwok long stap iet long long Victoria na Tasmania.

Planti handrat ol faia faitas blong New South Wales, Victoria, na Tasmania ino slip na oli wok long nait blong stopim ol bush paia emi kamap bihaenim ol bikpla san na ples i hot olgeta long planti hap blong Australia.

Ol Fire otoriti bai no nap malolo iet long wonem tede, ol despla strongpla san na ol strongpla wind, bai halvim ol despla paia long go hed.

Aste, ol paia ibin kukim na bagarapim planti haus blong ol pipal long  New South Wales na Victoria on Tuesday, taem moa long 100 ol pipal long Tasmania iwok long lus iet bihaenim ol bikpla paia emi bin bagarapim state long wik igo pinis.

Moa long 140 ol bush paia iwok kamap iet bihaenim ol bikpla san long planti hap blong New South Wales, we oli putim pinis ol woning igo long ol pipal blong  Deans Gap, Yarrabin, Sand Hills na Cobbler Road long wuas gut.

Narapla bikpla tok lukaut istap tu long fopla narapla ples long Southern New South Wales, wantem tu Northern na Eastern Riverina, Illawarra Shoalhaven, na  Southern Ranges.

Aste mak blong san ibin stap olsem  40 degrees Celsius long planti hap blong New South Wales na mak blong strong blong ol wind ibin stap olsem 100 kilomita long wa wan hour long sampla hap blong state.

Long Victoria, ol firefighters ibin stopim wanpla bikpla paia emi bin kukim na bagarapim sikispla propati long Chepstowe eria long West blong Ballarat.

Narapla paia em oli no nap stopim iet iwok long bagarapim iet ol diwai oa pine plantesin long Drik Drik eria long, south-west Victoria.

Lukluk nau long ol stori blong ABC long ol despla paia aste.

 

 

 

11:11pm:

Wanpla New South Wales firefighter i traem long daonim paia long wanpla farm long Dean's Gully eria, klostu long taon blong Wandandian:

 

 

10:22pm:

Wanpla imegensi woning long ol bikpla bush paia istap iet long  Kybeyan Valley eria long, south-east New South Wales.

Oli otoriti itok despla paia bai surik igo olsem long Numeralla tede long moning long wonem ol winds i senisim rot blong ol.  Ol polis iwok long tokim ol pipal long despla hap long lukautim gut laif blong ol oa surik igo long ol narapla hap.

9:20pm:

Bush paia long Chepstow eria, long west Ballarat, nau i stop pinis.

Ol ren iwok long pudaon nau long despla paia, tasol emi bin kukim na bagarapim moa long 1,100 hectares.

8:46pm:

Ol paia otoriti long NSW i givim pinis ol paia woning igo long ol pipal long ol ples olsem

  • Cobbler Road, near Jugiong;
  • Deans Gap in the Shoalhaven area, where the fire has crossed the Princes Highway;
  • Sand Hills at Bungadore, where the Kings Highway is closed;
  • Tarcutta along the Mats Gully Road; and
  • Yarrabin along the Kybeyan Valley

Rural Fire Service Commissioner Shane Fitzsimmons itok ol despla paia i bagarapim pinis planti bikpla samting olsem rot, ol biris na tu ol kaikai blong ol sip sip, bulmakau na ol famas i lusim moa long 1,000 ol animal blong ol.

8:24pm:

Conor Duffy ibin redi-im despla ripot blong  ABC 7.30 progrem bihaenim ol bikpla san, na ol strongpla win em oli bin kirapim ol bush paia long r New South Wales, Victoria na Tasmania:

7:37pm:

ABC niusmeri Philippa McDonald i lukluk long ol bush paia long kantri long ol despla dei igo pinis.

 

 

7:34pm:

 

Hia em wanpla foto long ol paia em ol laen blong Rural Fire Sevis ibin kisim.

6:15pm:

Ol polis ibin pulim kalabusim tripla pipal long laitim ol paia nating long total fire ban dei long  Shalvey long western Sydney aste long avinun.

5:39pm:

NSW Rural Fire Service wokas na ol wokmanmeri blong National Parks na Wildlife iwokbung wantem blong pulumapim wanpla balus wantem wara long paia faia long Jindabyne ples balus long south-east NSW:

ABC niusman Nick Dole ibin redi-im despla ripot long paia long Warrigal Range Road long Brogo.

4:19pm:

Hia em video konfrans long ol paia long New South Wales:

 

4:06pm:

New South Wales i putim wanpla total fire ban dei tede long wonem igat ol bikpla bush paia stret iwok long stap iet long planti hap blong state.

Shoalhaven Mayor Joanna Gash ibin toktok wantem ABC News 24:

 

 

3:58pm:

Aste nait long ABC's 7.30 progrem, ibin gat stori blong wanpla femili blong Tasmani husat ibin ronowei long paia long Dunalley long wikend.

Aninit long hia em foto blong ol memba blong Walker na Holmes femilis ibin wok long hait long solwara taem paia ibin wok long kamap klostu long ol.

Yu nap lukim na harim ripot sopos yu go klik long hia. clicking here.

 

ABC niusmeri Emily Stewart ibin redi-im despla ripot long ol paia long Drik Drik eria blong Victoria.Concern for Drik Drik as Victorian wind change nearsVideo: Concern for Drik Drik as Victorian wind change nears (ABC News)

 

2:50pm:

Helikopta balus em oli kolim long Elvis istap sambai long faitim ol paia long Victoria na despla balus istap sambai long Wangaratta long north blong state.

2:44pm:

Polis long Southern New South Wales Illawarra eria ibin pulim kalabusim wanpla man long brukim loa blong total fire ban oa loa emi stopim ol pipal long noken laitim paia oa toromoi pipia blong sigeret nabaut.

1:55pm:

Em wanpla foto long Yarrabin bushfire long Cooma Monaro eria long southern NSW:

ABC niusman Karl Hoerr ibin kisim despla foto long wanpla trak em paia ibin kukim long M4 - wanpla long ol liklik paia emi bin kamap long Sydney aste.Fire fighters put out a truck fire Photo: Firefighters put out a truck fire on the M4 at Silverwater in western Sydney (ABC News: Karl Hoerr)

 

1:10pm: Ples i luk olsem bihaenim ol paia ibin kukim na bagarapim ples long  Oura klostu long Wagga Wagga aste.

 

12:35pm: ABC niusmeri Lisa Mosley ibin kisim despla foto long ol simuk ikam long ol paia long Yarrabin.Yarrabin bushfire Photo: Smoke rises from the Yarrabin bushfire in southern NSW (ABC News: Lisa Mosley)

Ol Hotpla dei tru long histri long ol yia igo pinis long Australia.


Long ol wan wan state:
NSW: 49.7C, Menindee, January 10, 1939
ACT: 42.2C, Canberra, February 1, 1968
NT: 48.3C, Finke, January 1, 1960
SA: 50.7C, Oodnadatta, January 2, 1960
Qld: 49.5C, Birdsville, December 24, 1972
Tas: 42.2C, Scamander, January 30, 2009
WA: 50.5C, Mardie, February 19, 1998
Vic: 48.8C, Hopetoun, February 7, 2009

Capital cities:
Sydney: 45.3C, January 14, 1939
Canberra: 42.2C, February 1, 1968
Darwin: 40.5C, October 17, 1892
Adelaide: 47.6C, January 12, 1939
Brisbane: 43.2C, January 26, 1940
Hobart: 41.8C, January 4, 2013
Perth: 46.2C, February 23, 1991
Melbourne: 46.4C, February 7, 2009

 

12:10pm: Ol otoriti long Tasmania iwok long askim strong ol pipal long lukaut gut long ol paia em oli wok long  kamap long Forcett na oli tokim ol long lusim ples na go long Pirates Bay boat ramp or long nambis blong Eaglehawk Neck

Despla paia iwok long kamapim heve na ol bikpla bagarap long  Eaglehawk Neck, Pirates Bay, Doo Town, Old Jetty Road na Blowhole Road.

11:55am: Despla man i soim ol ples em paia i bagarapim long  Warrigal Range Road long t Brogo.

Map: Brogo bushfire map

 

 

11:09am:  John Barron i lukluk bek long stori blong ol bikpla bush paia long Australia.John Barron looks at the history of bushfiresVideo: John Barron looks at the history of bushfires (ABC News)

 

11:04am: Federal Opposition Leader Tony Abbott ibin joinim ol loka bush paia laen blong redi long faitim paia long NSW.

10:56am: Rural Fire Service ibin autim despla foto long paia long Yarrabin eria:

10:21am: ABC weatherman Graham Creed itoktok long weather fokas long NSW south coast aste.

NSW Rural Fire Service Commissioner Shane Fitzsimmons itok tok long ol wari blong ol bush paia.

 

Map: Yarrabin fire map

9:01am: ABC niusman Damian McIver i ripot long ol paia long taon blong  Dunalley long Tasmania we paia ibin bagarap tru ples.

8:00am: Australian Capital Territory update:

  • ACT oa Australian Capital Territory i luk olsem bai kisim taem tu long ol bikpla bush paia em Canberra ino bin lukim bihaenim wanpla bikpla bush paia emi bin kamap long hap long 2003.
  • Wanpla helikopta iwok long lukluk na painim ol paia long Namadgi National Park, we tripla paia iwok long bagarapim ples.
  • Ol paia ofisa iwok long wok had blong stopim wanpla paia long  Numeralla klostu long Cooma long southern NSW.
  • Wanpla paia faita i kisim bagarap long ol paia long Gunning, north blong Canberra na emi stap nau long haus sik.

7:32am: ABC niusman Damian McIver ibin kisim despla foto long Tasmanian fishing vilis long Dunalley, em ol bush paia ibin bagarapim long Fraide, na emi soim wanpla haus ibin bagarap na narapla paia ibin stap gut tasol.

 

7:23am: NSW inap lukluk long paia long  RFS Bushfire Survival Plan website here.

7:17am: Police long Tasmania itok oli wok long lukluk iet sopos sampla pipal ibin dai bihaenim ol paia long despla state, tasol oli no painim iet wanpla dai man oa meri.

 

6:38am: Despla map i soim ol bikpla paia long southern NSW aste:

 

6:35am: Long Victoria, klostu 500 firefighters ibin wok long nait blong stopim wanpla bikpla paia long  Kentbruck, klostu long Portland, na igat narapla woning istap long farming komiuniti long Drik Drik.

6:27am: NSW Rural Fire Service Commissioner Shane Fitzsimmons ibin tokim ABC News Breakfast long moa long 100 ol bush paia iwok long bagarap NSW, na 21 long ol despla paia oli no stopim iet.