PNG Atoni General itok ol asailam sika iet i asua

PNG Atoni General itok ol asailam sika iet i asua

PNG Atoni General itok ol asailam sika iet i asua

Postim 9 January 2013, 14:10 AEDT

Atoni general blong Papua New Guinea itok ol asailam sika iet ibin givim tok oraet long oli go stap long Australian gavman prosesing senta long Manus provins.

Emi bin mekim despla toktok bihaenim ol tok lukaut blong Oposisan lida Belden Namah long bringim despla keis blong asailam sika igo long Supreme kot blong save sopos emi bihaenim loa gut oa nogat.

Mr Namah itok despla senta i brukim loa blong PNG, long wonem mama loa blong PNG isave larim ol pipal long stap long kalabus sopos oli sasim ol pinis long mekim sampla rong.

Tasol Atponi General Kerenga Kua itok ol despla asailam sika ibin tok oraet pinis, taem oli bin soim laik long go stap long prosesing senta.

Mr Kua itok, taem oli bin lusim ol kantri blong ol, oli bin save olsem bai oli mas go stap long ol prosesing senta, we bai oli lukluk gut long ol askim blong ol long kamap olsem ol refugi.

Mr Namah itok em bai askim Supreme kot long lukluk long tupla samting, wanpla em blong salim ol asailam sika husat istap nau long Manus ikam bek long Australia, na namba tu em blong luksave olsem despla senta ino bihaenim loa blong kantri na oli mas rausim.

PNG Praim Minista,Peter  O'Neill itok olsem despla senta iwok long ron gut aninit long ol loa blong papua New Guinea.