PNG oil spill wari

PNG oil spill wari

PNG oil spill wari

Updated 9 January 2013, 13:53 AEST

Ol Milne Bay provinsal atoritis i wari long oil spill bai kamapim bagarap long envairoment.

Wanpela sip blong Japan ibin  pas antap long rif klostu long wanpela long ol ailan long Mururaua Lokal Level Gavman long Samarai Mururaua distrik bilong Milne Bay Province na oil i stat pinis long kamaut long en.

Eric Baralia  provincial disaster co-cordinator na tu Gavana Titus Philemon i stori long birua bilong dispela sip MV Asian Lilly.

Dispela sip i bin go antap long rif long 24 de bilong Disemba na wanpela ofisa bilong PNG Maritime na Safety Authority ibin lusim Port Moresby igo long
Alotau kapital bilong Milne Bay Provins aste.

Erica Baralia bai i go wantaim dispela ofisa long lukim sip na luksave long ol bagarap long sip na tu long oil i kamaut long sip wantaim tu long heve i kamap long solowara na nambis raun long en.