PNG man pait had long Australian kot i rausim sas egensim pikinini

Despela man i poret olsem taim bilongen long istap long Australia aninit long  457 visa bilongen i pinis.

Em i  need long  istap long Newcastle bilong igo hed long pait agensim murder sas bilong pikinini bilongen.

Krismas bilong pikinini bilongen ibin aninit long 20 yar long taim ol ibin kalabusim em inap long  22 yar  long kilim idai wanpela  Air Force technician long 2005.

Maski em ibin lus long wanpela appeal long Hai Kot, despela man i tok, ol mas opim ken despela kes bihainim ol niupela evidence.

Em itok em bai inoken pasim maus igo inap long em stretim gut nem bilong pikinini bilong en.

"I think we've been fighting this case for the last seven years," em i tok.

"We want the truth to be told."

Despela man i tok em i needim moa taim.

"For as long as my son is held here it is pretty hard for us to leave him behind," em i tok.

"I'm talking with my government back home to see if they can push for a review."

Ol ibin tokim despela man olsem, ol iken salim em igo bek kuik taim long mande bihain samting.

Tasol , bihain long ABC ibin  toktok wantaim ol ofisol  bilong  immigration,ol  i tok ating bai inoken despela taim stret oli makim longen.

Despela man nau i askim PNG Prime Minister long lukluk igo insait na lukim olsem ol mas noken salim em igo aut.

Em itok  PNG ibin mekim gutpela pasin long ol heve bilong Manus Island asylum seeker centre na Australia mas wokim wankain.

"If Papua New Guinea can be able to clean up your mess of immigration matters, using one of my islands, all we're asking is a bit more time," em i tok.

Immigration Dipatment itok , ol i laikim despela family long toktok wantaim wanpela migration agent.