Foma PNG Praim Minista bai het bilong Ok Tedi

Foma PNG Praim Minista bai het bilong Ok Tedi

Foma PNG Praim Minista bai het bilong Ok Tedi

Updated 14 January 2013, 14:15 AEST

Ol ibin makim Papua New Guinea PM bifo, Sir Mekere Moruata long kisim ples bilong Australian ekonomist Ross Garnaut olsem Siaman bilong bikpela maining kampani long PNG.

 

Profesa Garnaut ibin risain  bihain long PNG gavman i bin putim tambu long em ino ken igo insait mo long Papua New Guinea.

Bod bilong PNG Sustainable Development Program bilong PNG ibin makim Sir Mekere olsem Siaman bilong Ok Ted Maining, emi gat bikpela sea long OK Tedi Ltd.

Ol ibin makim Sir Mekere olsem Siaman bilong Development Program long mun October, na i gat wanpela longpela trek rekot long pait agensim korapsan na long wok bilong lukautim gut moni.

Sir Mekere ibin tok tenkiu igo long Profesa Garnaut long tenpela yar wok bilong em wantaim OK Tedi na PNGSDP na i tok em ibin mekim bikpela wok long hlaivim Paua New Guinea.

PNGDSDP i wanpela charitable trust na i gat nau $1.4 bilian dola long nem bilong em.

PNG Praim Minista, Peter O'Neill ibin putim tambu long Profesa Garnaut bihanim kros long BHP i kisim kontrol long PNGSDP.