Bikneim Pakistan lotu man igo pas long bikpela protes agensim gavaman

Bikneim Pakistan lotu man igo pas long bikpela protes agensim gavaman

Bikneim Pakistan lotu man igo pas long bikpela protes agensim gavaman

Updated 15 January 2013, 11:37 AEST

Wanpela bikneim lotu man,Tahir-ul Qadri,itok bikpela wok  blong Pakistan gavaman na assembli blong en nau i pinis,na i tokaut olsem oli gat wanpela de tasol long pasim olgeta wok blong ol.

Planti tausen ol sapotas em planti blong ol em ol lain blong lotu blong Tahir-ul Qadri,nau igo kamap long Islamabad,biktaun blong Pakistan na askim strong olsem imas igat ol senis i kamap long wok blong ileksen taim general ileksen i kamap long kantri dispela yar.

Ol sapotas blongen i askim  long pinisim ol pasin korapsen,stretim heve iwok long kamap nau long gas na pawa sapplai,na kamapim tu ol senis  long stretim  wari blong Pakistan ekonomi.

Dispela bikneim lotu man,nau igo kamap long kapital,ibin givim aut tingting blong em olsem gavaman nau igat wanpela de  long pasim palimen na ol provinsel assembli na opim rot blong wanpela "care taker administration long lukautim pastaim wok blong lukautim kantri..

"Morally, your government and your assemblies have ended," Qadri told his supporters.

"I will give you (the government) a deadline until tomorrow to dissolve the federal parliament and provincial assemblies.

"After that, the people's assembly here will take their own decision."

Qadri ibin tokim ol sapotas blong em  long wokim kemp na slip long nait na tede ol wok mekim wokaut blong ol igo long palimen haus.

"Great sons of the democratic revolution, sons, daughters, scholars, trades, government officials, people from all walks of life, stay until I tell you to leave."

Em  tu i laikim ileksen komisin long rausim oa disqualifim ol kendideit long ileksen blong dispela yar sapos oli no bihainim ileksen loa we itok ol memba blong palimen em oli nogat bilif  long Islam na Quran.

Tahir-ul Qadri ibin go bek tasol long Pakistan las mun,bihain  long ibin spendim 8-pela yar  istap long Canada.

Pakistan autoroti ibin korosim em long traim long pasim national ileksen,em bai imas kamap long mun May dispela yar.

 

 

 

 

 

Ol Het-tok: