Fiji Labour ino hamamas long nupela pati rul

Fiji Labour ino hamamas long nupela pati rul

Fiji Labour ino hamamas long nupela pati rul

Updated 17 January 2013, 9:43 AEDT

Labour Pati blong Fiji koros  long nupela ol rul blong politek pati na itok emi wanpela wei long mekim kantri bai igat tasol wanpela pati long kantri.

Ami gavaman blong Fiji ibin tokaut olsem olgeta politkel pati imas soim olsem oli gat 5000 memba insait  long 28 de na sapos nogat bai oli nonap registarim ol.

Lida blong Fiji Labour Pati ,Mahendra Chaudhry,ibin tok long bifo ikam inap nau ol politikel pati long Fiji ino save igat kain bikpela namba blong ol memba,na pati blong em  bai painim hat long kisim kain namba olsem insait  long 28 de, em taim oli bin makim long en.

"Emi wanpela tingting long rausim strongpela Opposition pastaim  long 2014 ileksen,Mr Chaudhry itok.

"We are moving towards perhaps a one-party state."

Dispela ol loa itok tu olsem olgeta politikel pati imas igat neim  long tok English, na bai oli nonap larim ol politkel pati i kisim ol donations oa moni halivim ikam  long ol gavaman blong narapela kantri,ol kampani,ol inter-gavaman na ol NGOS.

Mr Chaudhry itok ol liklik pati bai ino gat jans long win.

Na Fiji Interim gavaman ino bin laiktoktok long dispela nupela rul.

Maus-meri blong gavaman ibin tokim Radio Australia  ol koros blong Mr Chaudhry olsem Fiji bai kamap olsem kantri igat wanpela politikel pati tasol ino stret na

pipol inoken harim em.

Maus-meri igo hed na askim hau Fiji bai kamap kantri igat wanpela politel pati tasol taim oli no registerim ol politikel pati yet.

Audio: Mahendra Chaudhry speaks to Pacific Beat (ABC News)

Na Foran Minista blong Australia, Bob Carr,ibin tok dispela nupela ol rul ino luk gut na Australia igat bikpela wari long ol.

Mr Carr itok putim tambu long wanem  ol politikel  ken wok ino stret, long wanem strongpela politkel  pati i bikpela hap blong demokrasi.

Mr Carr itok emi bin holim toktok wantaim  Foran Minista blong Fiji, Ratu Inken Kubuabola las wik na tupela ibin toktok long Fiji igo bek long demokrasi.

Emi tok klia  long em olsem tambu em Australia i putim  long Fiji bai istap yet inap Fiji i stretim olgeta rot blong em long igo bek long demokrassi.

Na Foran Afeas maus meri blong Australia Opposisen, Julie Bishop, ibin tokim ABC, dispela tingting blong registerim ol politikel pati i bikpela wari.

 

Outrage at new Fiji political regulationsVideo: Outrage at new Fiji political regulations (ABC News)