Pacific Mining Transperensi

Pacific Mining Transperensi

Pacific Mining Transperensi

Updated 22 January 2013, 19:51 AEST

Oxfam itok wanpla nupla tingting na wok em  wanpla international transparency i laik kamapim bai halvim gut ol Pacific kantri long toktok na wokbung wantem ol bikpla na strongpla mining kampani.

ABC niusmeri, Jemima Garrett i ripot olsem planti ol kampani blong ol narapla kantri igat laik long mekim ol wok mining long Pacific rijan.

Oxfam itok sopos ol kantri i kamap memba blong Extractive Industries Transparency initiative, despla bai kamap olsem wanpla bikpla  wok blong daonim ol gris toktok na korapsan.

Aninit long despla wok, ol kampani imas toksave long ol gavman long ol kaen moni em oli save kisim long ol wok mining, ol takis em oli save baem na tu ol royalti em oli save baem.

Mining Co-ordinator, blong Oxfam Australia Serena Lilywhite, itok despla nupla wok bai halvim ol pipal long mekim ol gavman na ol kampani long tok klia gut long ol wok em oli save mekim long ol mining indastri.

Wanpla Mining Transparency miniting bai kamap long Sydney, long mun May, na bai oli mekim planti toktok long ol wok mining long  Pacific.

Serena Lilywhite itok despla miting bai gutpla tu long Australia iken kamap olsem memba blong  Extractive Industries Transparency initiative oa EITI.

Ol Het-tok: