New Guinea Islands ilaikim mining long solowara

New Guinea Islands ilaikim mining long solowara

New Guinea Islands ilaikim mining long solowara

Updated 1 February 2013, 16:15 AEST

Wanpela nesenel palament memba long PNG i askim gavman i larim maining kampani Nautilus Minerals igo het wantem Solwara 1 projek blong painim gold, zinc na copper.

 

Wanpela nesenel palament memba long Papua New Guinea i askim gavman i larim maining kampani bilong Canada, Nautilus Minerals, igo het wantem Solwara 1 projek blong painim gold, zinc na copper aninit long ol solwara bilong Niugini Islands region long kantri.
Dispela projek istop liklik long wanem PNG gavman na Nautilus Minerals inid long stretim ol toktok long moni gavman iken putim long ol shares bilong en na arapela wok long mine.
Memba bilong Pomio distrik long East New Britain province, Paul Tiensten itok, ol Is na Wes Niu Briten pipol na Niugini Islands rejin inidim projek we iken bringim moni, divelopmen na sevis igo long ol.
Em itok nau yet ol arapela 3-pela-Hailens, Southern na Momase rijen igat ol risos projek olsem oil, gas na gold na taim ol memba long NGI rijon  iputim sabmisen long projek, inogat inap moni long paus bilong gavman.
Mista Tiensten itokim Port Moresby niusman, Firmin Nanol, maski bai igat sampela heve long environment o solwara, benefit na moni ol bai kisim long Solwara 1 projek bai ibikpela long bihain.