Planti belsore long PNG Rabaul Queen birua

Planti belsore long PNG Rabaul Queen birua

Planti belsore long PNG Rabaul Queen birua

Updated 2 February 2013, 17:01 AEST

Tede em namabwan yia stret bihaen long bikpla birua tru emi bin kamap long ol solwara blong Papua New Guinea, na planti femili i wok long askim iet long wonem samting tru bai kamap bihaenim dai blong ol femili memba blong ol.

Moa long 140 pasinjia ibin dai taem long Rabaul Queen pasinjia ship ibin kapsaet na go insaet long ol solwara klostu long Morobe provins long namba 2 February 2012.

Wanpla  wok painimaut em oli bin pinisim long 2012  ibin sutim planti toktok egensim kampani emi papa long Rabaul Queen, Rabaul shipping olsem emi no bin save bihaenim gut ol loa blong shipping.

Taem Rabaul Queen ibin bungim birua emi bin wok long karim planti ol sumatin na tisa blong New Guinea Islands igo long bikpla PNG. Na maski national weather ofis ibin givimaut woning olsem ol sip ino nen ron long wonem solwara ibin bagarap, Rabaul Queen ibin ron iet.

Na wanpla PNG citizen na papa blong ol skul pikinini, tu emi wanpla listener  blong Tok pisin stream John Nakamura itok tede i bringim bek planti belsore long planti ol femili blong ol laen husat ibin dai long Rabaul Queen disasta.

.