Ol stil laen i bagarapim PNG anti-korapsan ofis

Ol stil laen i bagarapim PNG anti-korapsan ofis

Ol stil laen i bagarapim PNG anti-korapsan ofis

Postim 5 February 2013, 12:19 AEDT

Sampla stilman ibin go na bagarapim tru ofis blong Taskfos Sweep long Papua New Guinea na stilim ol kompiuta na ol files.

Oli bilip olsem samting olsem 20pla man ibin pasim tripla sekiuriti gard wantem ol rop na bihaen oli bin brukim wanpla strongpla metal geit na gi insaet long ofis we oli bin stilim ol despla samting.

Oli bin brukim na bagarapim ofis gtu tru, na toromoi ol pepa na ol kabad long flo blong ofis.

Siaman blong taskforce Sweep Sam Koim, ol wokman blong en iwok long mekim ol wok painmaut long ol samting em ol despla stil laen ibin kisim.

Emi tok, ol kompiuta na ol narapla samting blong ofis nau igo pinis, tasol despla kaen pasin bai no nap stopim wok blong ol.

"This is not going to discourage us. No one will intimidate us," emi tok.

Long despla tupla yia igo pinis despla Taskforce Sweep iwok long mekim ol bikpla wok painmaut igo long korapsan, na wok blong ol ibin lukim polis ibin pulim kalabusim sampla politisan, ol sinia gavman ofisa na ol bisnis man bihaenim ol korap pasin.

Video: PNG anti-corruption office ransacked (ABC News)