Planti Bougainville sumatin i wari long ship

Planti Bougainville sumatin i wari long ship

Planti Bougainville sumatin i wari long ship

Updated 5 February 2013, 17:04 AEDT

Planti papa-mama long Bougainville long Papua  New Guinea itok oli wari tru long ol pikinini blong ol husat bai kisim ship tumora blong go skul long Rabaul na tu long mainland PNG.

Oli mekim despla toktok tede fopla dei bihaen long kantri ibin makim namba wan yia Rabaul Queen ibin kapsaet na go daon long solwara klostu long Morobe provins long 2012.

Moa long tu handrat pipal ibin dai long despla birua. Planti long ol em ol sumatin na oli  ibin kam long Bougainville, East na West New Britain na New Ireland provins.

Nau planti sumatin long Bougainville i redi long lusim ples long ship, long wonem Volkeno long Rabaul iwok long toromoi dust na stopim ol balus igo long kisim ol pasinjia long Buka na Rabaul.

Helen Hakena, wanpla mama long Buka bai tok gudbai long pikinini meri blong en tumora na emi tokim Caroline Tiriman olsem emi wari tru.