Ol politisen sapotim Indigenous luksave vote

Ol politisen sapotim Indigenous luksave vote

Ol politisen sapotim Indigenous luksave vote

Updated 13 February 2013, 14:53 AEST

Lower House of Parliament long Australia i pasim wanpela lo i luksave long ol Aboriginal na Torress Strait Islanders olsem ol as ples tru bilong Australian.

House of Representatives or Lower House of parliament long Australia i pasim wanpela lo i luksave long ol Aboriginal na Torress Strait Islanders olsem ol as ples tru bilong Australian.

Oli lukim dispela Bill olsem i wanpela step long rot igo long wanpela referendam long mekim senis long mama lo, or constitutional change.

Pipal long pablik galeri ibin paitim han na hamamas long taim oli pasim dispela bil na dispela i kamap bihain long faifpela yar we foma praim minista, Kevin Rudd ibin mekim tok sori igo long Stolen Generations.

Praim Minista Julia Gillard i tok, dispela lo i  "sign of good faith" we palamen i gat wok bilong mekim rait long ol rong ibin kamap wantaim ol eksans ol ibin kamapim bipo.

Long tok Inglis Praim Minista i tok long palamen olsem  "No gesture speaks more deeply to the healing of our nation's fabric than amending our nation's founding charter".

Oli pasim dispela lo wantaim bikpela sapot long palamen.

Lida bilong Oposisen, Tony Abbott i tok senis bilong mama lo i kisim longpela taim pinis long luksave long ol as ples pipal bilong Australia.

Em i tokim palamen long tok Inglis olsem ""We need to atone for the omissions and for the hardness of heart of our forebears, to enable us all to embrace the future as a united people".