Australia bai opim ken TB klinik

Australia bai opim ken TB klinik

Australia bai opim ken TB klinik

Updated 15 February 2013, 20:10 AEST

Australian Palaman i oraetim pinis wanpla private members bill long opim ken TB klinik long Torres strait we emi save helpim ol pipal blong PNG Western provins.

Australia ibin pasim despla klinik sampla taem igo pinis na stopim ol TB sikmanmeri na pikinini blong Papua New Guinea long go kisim halvim long despla klinik.

Nau oli painim olsem sik TB long western provins i hamarim planti pipal tru na igat wanpla kaen strongpla TB tru em i hard tru long stretim wantem ol marasin.

Aste Hon. Warren Entsch Federal Member for Leichhardt na Chief Opposition Whip  ibin putim wanpla askim igo long Australian palaman long opim ken despla klinik.

Tasol wanpla lawyer blong sampla papa graon long Fly riva itok, emi wok blong PNG sustainable development em BHP billiton na OK Tedi mining i papa long en blong iusim moni em oli putim long wanpla bank account long singapore long kirapim ol gutpla haus sik long Western provins.

Tiffany Twivey Nonggor husat i lawyer blong sampla papa graon long fly riva itok, emi tok tenk yu long Australian gavman long despla nupla tingting blong en, tasol PNG sustainable divelopman igat moni long helpim ol pipal em BHP ibin bagarapim ol ples blong ol.