Tupela Fiji politikel pati i regista

Tupela Fiji politikel pati i regista

Tupela Fiji politikel pati i regista

Postim 15 February 2013, 21:36 AEST

Tupela politikel pati long Fiji ibin regista pastaim long taim blong en i pinis na oli redi long resis long ileksen blong yar bihain.

Ol politikel pati long Fiji ibin kisim toksave olsem oli gat inap bik nait  long aste nait  long regista aninit  long nupela strongpela loa em gavaman ibin tokaut  longen ino long taim igo pinis

Dispela nupela tingting itok ol pati imas gat samting olsem 5 000 ol memba,imas gat neim long tok englis na ol pati offisel blong en ino msa ol trade union lida.

Ol dispela pati em oli bin orait  long applikaisen blong ol bai oli larim ol i resis  long 2014 ileksen.

Na ol dispela em oli putim askim blong ol pinis nau bai wet inap tripela wik long painim aut sapos Registrar blong Politikel pati i tok orait  long applikaisen blong ol,na ol dispela pati em oli bin late nau bai oli pinisim ol na ol samting blong ol bai oli rausim na gavaman bai kisim ol.

Tupela olpela pati blong Fiji em long National Federal pati na Fiji Labour Pati i tupela pati tasol ibin regista pastaim long taim blong en i pinis aste nait.

Fiji Labour pati tu ibin laik bringim dispela nupela rul igo long kot.

Fiji Labour pati lida Mahendra Chaudry ibin tok emi applai pinis igo long registarim pati na em yet bai lida, tasol em tu bai istap yet olsem  General Sekretary blong National Farmers Union.

Wanpela long ol loya  long dispela keis Rajendra Chaudry,itok dispela ol strongpela askim  insait  long dispela rul oli putim igo long ol politikel pati emi  wanpela wei blong pinisim ol opposisen pati.

 

Ol Het-tok: