Russia pipol i suruk long meteor ston pudaun ikam daun long graun

Russia pipol i suruk long meteor ston pudaun ikam daun long graun

Russia pipol i suruk long meteor ston pudaun ikam daun long graun

Updated 16 February 2013, 21:07 AEDT

Wanpela traipela meteor or ston paia wantaim pudaun i kam daun long sentrol  Russia,na brukbruk nambaut long planti eria  na kamapim ol guria na brukim nambaut ol  window na planti handred pipol i kisim bagarap.

Wanpela meteor or stone  ibin paia antap long  wanpela city insait long sentrol  Russia,na planti  handred pipol ibin kisim bagarap taim ol glas na  pipia bilongen i flai  nambaut.

Bigpela moning bilong winta long hap ibin mekim ples i lait olgeta taim despela traipela ston  ibin paia lait wantaim na flai  antap long kilaut  bilong Chelyabinsk,samting olsem 1,500 kilometa long  east bilong Moscow.

Ol ofisal long hap bilip olsem despela meteor mas paia samting olsem 10,000 metres antap long city,na traipela ol paia ibin lait wantaim na  pudaaun ikam daun long graun.

Bihainim  paia, ol bigpela guria ibin kamap na pipol ibin pudaun nambaut.

Alarm bilong ol kar ibin wok long singaut nambaut na planti ol window ibin bruk nambaut long ol city.

Interior Ministry  itok  samting olsem 1,200 pipol ibin kisim bagarap  bungim wantaim samting olsem  200 ol pikinini.

 

Ol pipia bilongen ibin pudaun antap long sampela building ,wantaim wanpela  factory we wol bilongen ibin krungut igo insait.

Despela meteor or stone ibin flai ikam daun long kilaut i lusim traipela simuk bihain  na  pipol istap longwe olsem  200km  insait long Yekaterinburg iken nap long lukim.

Ol residents itok ol ibin harim samting olsem  wanpela bigpela pairap.

"I was driving to work, it was quite dark, but it suddenly became as bright as if it was day," 36 yar old resident bilong Yekaterinburg , Viktor Prokofiev i tok.

"I felt like I was blinded by headlights."

 

 

 

ABC/wires