PNG Indonesia Boda wari

PNG Indonesia Boda wari

PNG Indonesia Boda wari

Updated 18 February 2013, 16:19 AEDT

Papua New Guinea gavaman iwokim disisen long salim ol Difense Fos soldia igo wuas na kisim ripot long ol heve em laen ami bilong Indonesia igivim long ol laen PNG istap long boda eria.
 

Igat ol ripot ami na sekuriti bilong Indonesia iwok long brukim boda igo insait long PNG, stilim ol dia na fish olsem baramundi, na tok poretim ol laen PNG long boda eria.
 
Prime Minister Peter O'Neill itok gavman nonap larim kaen sikuriti heve na bagarap ikama long pipol na Nesenel Executive Council iwokim disisen long callim o singaut halivim bilong PNG Difense Fos.
 
Em itok sekuriti bilong kantri na ol pipol bilong en ibikpela na ino laikim ol heve ikamap long boda.
 
Minister bilong Difense, Dokta Fabian Pok itok ol soldia ya bai leadim wanpela gavaman team igo long boda eria klostu taim ol ikisim moni long Finance dipatment.
 
Em itokim ABC niusman, Firmin Nanol ol bai go kisim ripot long kainkain heve ikamap long boda na toksave long gavman ilukluk long stretim ol dispela heve na banisim kantri.