Malaysia politisan wanbel long rausim Xenophon

Malaysia politisan wanbel long rausim Xenophon

Malaysia politisan wanbel long rausim Xenophon

Updated 19 February 2013, 10:51 AEST

Wanpela politisan blong Malaysia itok em i gutpela long oli dipotim Australian Independent Senator Nick Xenophon long wanem em i involv long politik blong Malaysia.

Senator Xenophon ol ibin holim pas long Kuala Lumpur airport long las wiken na oli tokim em olsem em i wanpela sekiuriti denja long kantri so em i mas raus.

Taim em i kamap bek long Australia, senator ia i tokim Pacific Morning program blong Radio Australia olsem em i saprais long hau oli rausim em long kantri long wanem em i gat plan long mit wantaim wanpela minista long gavman na eleksen komisin.

Audio: Nick Xenophon talks to Radio Australia (ABC News)

 

Em itok em i klia sampela lain long gavman blong Malaysia igat wari long ileksan we bai kamap long kantri.

Senator Xenophon ibin go long Malaysia wantain arapela memba long palamen long laik blong Malaysian transparency na electoral reform grup Bersih, or "Clean".

So em itok oli no "interfering Australians."

Tasol Gerakan Party blong ruling koalisan gavman long Malaysia i difendim disisan long dipotim Senator Xenophon.

Em itok em i wanbel tru long oli rausim senata ia long wanem oli no welkamim em long Malaysia.

Oli tok em i noken intafia o suim nus long politik blong  Malaysia.

Youth chief long Kedah state, Tan Keng Liang, i tokim Asia Pacific program blong  Australia olsem Malaysia em i no wanpela dictatorship na ino nidim skulim long democracy from wanpela Australian politsan.

Em itok long bipo oli lukim olsem Mr Xenophon ibin sapotim dispela Bersih muvment.

Em itok Bersih ibin holim wanpela demonstration last yar, na dispela i kamapim pait long trit na planti pipol blong Malaysia i kisim bagarap na planti propati i bagarap longen.

Mr Tan, husat i wanpela loia tu itok gavman i sud toksave long Senator Xenophon pastaim long em i go long Malaysia olsem oli no welkamim em.