Wok long PNG em blong pipol long PNG

Wok long PNG em blong pipol long PNG

Wok long PNG em blong pipol long PNG

Updated 19 February 2013, 13:55 AEDT

Wanpela palamen memba long Papua New Guinea i tokaut long kain pasin ol pipol blong narapela kantri i kisim ol wok we ol pipol blong PNG yet i nap wokim.

Memba blong Komo-Margarima long niupela Hela Province, Francis Potape itok PNG igat planti ol save man-meri we i nap wokim ol wok we planti ol pipol blong narapela kantri i nau kisim long kantri.

Na em i laik long gavman i mekim riviu long painim aut gut long ol work permit we Department blong Labour na Industrial Relations i givim long ol pipol blong autsait.

Mr Potape  i laik tu long gavman i gat wanpela rejistri o rekod blong olgeta graduate na pipol blong PNG husat igat ol kainkain qualifikesen - tasol oli nogat wok.

Em itok igat planti tumas ol forena i go na kisim wok blong ol pipol blong PNG yet i save wokim na dispela i mas stop.