Asailam sika long Nauru i somapim maus

Asailam sika long Nauru i somapim maus

Asailam sika long Nauru i somapim maus

Updated 20 February 2013, 17:45 AEDT

Ol lain husat i save halvim ol refuji itok sampela asailam sika long Nauru senta i somapim maus blong ol long protest.

Dispela Refugee Action Coalition itok moa long 12-pela long ol i mekim hunger strike o i no laik kaikaim kaikai, na 4-pela long ol asailam sika ia i somapim pasim maus blong ol.

Mausman blong dispela Refugee Action Coalition, Nick Reimer, itok ol pipol ia i painim olgeta samting long stap blong ol long hap i had tru.

Em i tokim Pacific Beat olsem, ol lain ia i protest agensim hau oli tritim ol...na ol arapela asailam sika husat i stap insait long Australia yet i kisim tok orait pinis ia i stap insat long komiuniti.

Mr Reimer i tok tu olsem oli stap tasol na ino save wanem samting bai kamap long aplikesen blong ol long kam stap long Australia.

Department blong Immigration blong Australia i tok em i tru oli somapim pasim maus blong ol, tasol em itok i nno gutpela long toktok moa long dispela nau ia.

Ol 4-pela husait i pasim maus blong ol ia i kam long Iran.

Oli somapim maus blong ol bihain long 3-pela lain long kalabus senta ia i ronwe, na bihain ol polis i lukim ol na kisim ol igo bek long senta.