Mas painim ansa bihain planti asailam sika i dai

Mas painim ansa bihain planti asailam sika i dai

Mas painim ansa bihain planti asailam sika i dai

Updated 21 February 2013, 18:14 AEDT

Gavman blong Australia i askim oposisan koalisan long tingting gut long "Malaysian solution" bihain 98 asailAm sika i dai long solwara long Sri Lanka.

Immigration Minister Brendan O'Connor i askim oposisan koalisan long lukluk gen long Malaysian solution, bihain ol 98 asailam sika ia i dai taim oli traim long go long Indonesia blong kam long Australia.

Sri Lankan polis itok ol asailam sika blong Burmese we oli sevim long ship we i kapsait i tok ol pipol ia i day long hangere insait long 2-pela mun long solwara bihain injin blong bot blong ol i bagarap.

Ol husat i no dai i tokim polis olsem oli toromwe bodi blong ol husat i dai long solwara.

Polis itok namel long ol 32 sevaiva - 31oli bikpela man na wanpela i boi - oli reskiuim ol long dispela bot blong ol we i wok king sinkdaun long 250 kilometre long  solwara  blong Sri Lanka.

Mr O'Connor itok em i laik save gutpela long wanem trutru nau i bin hapen - na em itok dispela ol problem istap long sait long asailam sika.

Em ibin toik Fairfax radio olsem igat nid long kamapim wei blong stopim dispela kain birua long kamap.

Em itok em i taim nau long Oposisan i tingting gutpela moa long sampela wei we gavman i laik bihainim long stopim kain wei pipol i save dai olsem.

Wanpela lain expert i mekim rekomendesen long gavman i salim ol asailam sika i go long Malaysia lo dil wantaim ol long hap.

 

Oposisan koalisan i stap strong agensim dispela tingting blong gavman - long sait long human right wari long hau bai oli tritim ol asailam sika long Malaysia.

Oposisan imigresan mausman, Scott Morrison i tokim ABC News Online olsem  "The problem Brendan O'Connor has with the Malaysian people swap is the report of the Houston panel itself,"

Em itok asua long dispela tingting nau em long proteksan ino inap na gavman ino wokim wanpela samting long stretim.

Em itok Brendan O'Connor i nau gohet long sutim tok igokam long arapela long asua blong gavman yet.