Bom i kilim dai sampela pipol long India

Bom i kilim dai sampela pipol long India

Bom i kilim dai sampela pipol long India

Postim 22 February 2013, 9:48 AEST

Sampela bom ibin pairap na i kilim dai samting olsem 20-pela pipol na planti moa igat bagarap long Hyderabad siti long southern India.  

India praim minista Manmohan Singh itok ol dispela atak i  "dastardly act" or pasin nogut tumas na bai oli mekim save long ol husat lain i wokim.

Ol dispela bom i pairap 5-minit bihainim wanpela narapela klostu tupela muvi ples na wanpela bas stop long Dilsukh Nagar, long Hyderabad.

Oli ting oli putim ol bom ia long sampela bicycles.

Dispela i kamap bihain long wanpela woning bihain long oli hagamapim wanpela separetist long Muslim-majority region blong Kashmir.

Ol gavman ofisel blong India ol bom ia i wok blong sampela lain we oli trenim gut long mekim kain bom long kilim dai planti pipol.

N Kiran Reddy, chief minister blong Andhra Pradesh,i tokim ol ripota ol bom ia em blong mekim belheve long siti we igat bikpela komiuniti populesan.

Tua blong Australia Cricket

Cricket Australia itok em ino tru olsem oli bai no go pilai long Hyderabad bikos long ol dispela bom.

Hyderabad em bai hostim naba tu Test blong India-Australia stat long naba 2 long March, bihain long nabawan Test long Friday long southern sity blong Chennai.

Wanpela toktok i kam long Cricket Australia itok em ino kisim tok we igat denja long tim blong ol, tasol ol toktok i gohet yet.

Sampela nius sevis long India itok tim blong Australia bai no go long Hyderabad, tasol mausman blong tim itok ol dispela ripot i rong.

Level blong advais long ol pipol blong Australia long India ino senis - tasol dipatmen blong foran afeas itok ol pipol imas keaful long wakabaut blong ol.

ABC/AFP

Ol Het-tok: