Gavana Powi mobile phone wari

Gavana Powi mobile phone wari

Gavana Powi mobile phone wari

Updated 22 February 2013, 14:29 AEST

Gavana blong Southern Highlands Province long PNG, William Powi itok ol nogut samting i save kamap long yusim mobile phones long kantri i bikpela tumas.

Na em i singaut long gavman imas kirapim sampela kain lo long meksua pipol ino yusim mobile phone long wei we i save kamapim heve long komiuniti.

Gavana Powi ibin tokaut long dispela wari blongen long palamen long dispela wik.

Em i tok em i tru mobile phone i mekim isi long komunikesen na igat planti gutpela samting long developmen blong kantri.

Tasol em i tok igat planti ol kainkain nogut samting tu i save kamap na i save bagarapim sindaun blong pipol long kantri.

Ol dispela i inkludim long kolim or texim tok nogut, ol tok poretim narapela or salim nogut piksa.

Minista blong Communications, Jimmy Miringtoro itok gavman bai lukluk long kamapim ol rul long rejistarim na yusim ol SIM Card long kantri.