Japan itok taim blong hantim wel ino pinis yet

Japan itok taim blong hantim wel ino pinis yet

Japan itok taim blong hantim wel ino pinis yet

Postim 22 February 2013, 12:00 AEDT

Japan i tokaut olsem taim blong hantim ol wel long Southern Ocean long dispela yar ino pinis yet, maski oli stop long wanem em i had long oli putim fiul long ship blong ol.

Consul-General blong Japan long Melbourne, Hidenobu Sobashima, i tokim Asia Pacific program blong Radio Australia olsem Japan ino toksave yet long wanem taim nau bai oli statim bek gen long hantim ol wel.

Em itok wanem oli wokim em oli stopim long liklik taim tasol na ino pinisim wok long hantim ol wel olgeta.

Oli stopim fishing bihain long tupelaship blong Sea Shepherd i go klustu tumas long Nisshin Maru, bikpela mama ship blong ol Japan taim oli traim long pulapim fiul na Nisshin Maru i bampim tupela.

Mr Sobashima i tokaut long kain raskol pasin blong Sea Shepherd long solwara.

Em itok wanem Sea Shepherd i wokim i putim denja long laif blong pipol na propati.

Bob Brown, director blong Sea Shepherd itok igat sampela wik tasol i stap na taim blong hantim wel long dispela yar bai pinis.