Pentagon i pasim pastaim ron bilong F-35 jet pait balus bilongen pastaim

Pentagon i pasim pastaim ron bilong F-35 jet pait balus bilongen pastaim

Pentagon i pasim pastaim ron bilong F-35 jet pait balus bilongen pastaim

Updated 23 February 2013, 19:17 AEDT

 Pentagon ibin pasim pastaim ron bilong ol F-35 jet pait balus bilongen bihain long ol painim asua insait long engin bilong wanpela balus bilongen.

Ol i pasim pastaim ol ron bilong 51 ol jet pait balus bilongen taim ol wok painim insait long engin bilong wanpela long ol balus bilongen iwok long igo hed.

Ol ibin painim aut long despela asua long taim ol ibin wok long sekim ol balus olsem ol isave wokim oltaim long Edwards Air Force Base insait long  California.

Despela emi namba tu taim ol ibin pasim ron bilong ol despela balus insait long tupela mun.

Mausmeri bilong Pentagon  Kyra Hawn i tok, ol ino save long hamas wik or mun ol despela baulus bai inoken wok pastaim.

"We're talking about analysis of one blade in one turbine," em i tok.

"We have to find out through structural tests whether or not this is an isolated incident or whether they will have a more far reaching impact on the F-35 fleet."

Despela  F-35 ibin wanpela bigpela weapon program bilong Pentagon, ol isave kolim Joint Strike Fighter (JSF) program, tasol nem ibin igo bagarap long sukurim taim tumas na kos ibin wok long igo antap.

Australia i sukurim taim pastaim long ol oda bilong ol jet balus bilong pait pastaim long em ibin soim laik long baim 100 long ol.

Olpela defence minister Joel Fitzgibbon ibin hariap tru long sutim tok long ol  top military ofisal bilong Australia  long samting em i kolim  "obsession"  bilong ol wantaim F-35 pait balus.

Mr Fitzgibbon, usait nau chief whip bilong Federal Gavman,i tok putim bigpela tingting tumas long baim ol despela niupela balus ibin daunim liklik ol  kain wok   Australia's air iken nap long mekim,

"I think there is an almost obsession with the JSF within the uniformed ranks - this is their brand new toy," em itok.

"They were determined to secure four squadrons of the JSF and they were fond of running interference on anything that might threaten their capacity to secure those four squadrons."