Fiji tingting long sex ofenda rejistri

Fiji tingting long sex ofenda rejistri

Fiji tingting long sex ofenda rejistri

Postim 25 February 2013, 10:25 AEDT

Fiji i tingting long setim ap wanpela rekod blong ol pipol we oli bin kotim ol long ol sex kraim, long dil wantaim ol as blong ol sex kraim.

Fiji i niuppela long ol Pacific kanri we i tingting long rejistri blong ol sex ofenda.

Fiji Minister blong Women, Dr Jiko Luveni, itok wanpeka rejistri bai dil wantaim ol trutru kos blong ol sex kraim olsem reip blong ol yangpela gel na ol meri.

Minista ia itok dispela rekod bai gat nem blong ol sex ofenda na bai oli save yusim long save wea oli stap longen na blong skulim ol - na tu bai polis save yusim ol dispela infomesen.

Shamima Ali, chief executive blong Fiji Women's Crisis Centre, itok dispela ex ofenda rejista ino bin wok long bipo.

Em i tokim Pacific Beat program blong Radio Australia olsem em ino agensim dispela aidia, tasol oli nid long toktok moa longen long sait long human rait.

Ms Ali itok gavman i noken toktok nating, oli mas lukluk long ol kantri we igat dispela sistim i stap na painim aut gutpela long wanem hap dispela kan rejista i wok gutpela - na em nau Fiji iken bihainim.