South Korea nabawan meri president

South Korea nabawan meri president

South Korea nabawan meri president

Postim 25 February 2013, 13:23 AEST

South Korea i redi nau long mekim tabu nabawan meri president blong kantri long wanpela seremoni long kapitol, Seoul.

Ol wok redi i gohet nau long Seoul long oli mekim tabu nabawan meri president blong kantri, Park Geun-hye.

Planti tausan pipol blong South Korea i wok long go long joinim dispela selebresan long tede.

Dispela seremoni bai oli holim long poret blong National Assembly na samting olsem 70,000 pipol nau bai stap longen.

Governor-General blong Australia, Quentin Bryce i namel long ol bik pipol long arapela kantri i stap long seremoni ia.

Seremoni bai inkludim wanpela 21-gun salute na rapper blong Korea Psy, husat singsing blongen "Gangnam Style" i bikpela long wol last yar, bai em i pilai tu long dispela seremoni.

Olsem lida blong naba 4 bikpela ikonomi long Asia, Ms Park i fesim ol bikpela wok olsem ikonomi i wok long slow daun na kost blong welfea i wok long go antap. 

Ms Park husat igat 61 krismas i kisim wok president moa long 50 yar bihain papa blongen, Park Chung-hee, i kisim paua long wanpela military tekova.

Papa blongen ibin gohet long ranim kantri insait long 18-pela yar inap oli kilim em i dai.

Mama blong Ms Part oli kilim dai tu 5-pela pastaim long papa blongen, niupela president ia ino bin marit o gat pikinini.

ABC/AFP