US ami raus long Afghanistan Provins

US ami raus long Afghanistan Provins

US ami raus long Afghanistan Provins

Postim 25 February 2013, 10:02 AEDT

Afghanistan President Hamid Karzai ibin odarim ol US special forces aut long wanpela sentrol provins, na i akiusim ol Afghan husat i wok wantaim ol long paitim na kilim dai pipol.

Afghanistan President Hamid Karzai ibin odarim ol US special forces aut long wanpela sentrol provins, na i akiusim ol Afghan husat i wok wantaim ol long paitim na kilim dai pipol.

Mr Karzai itok ol special forces mas raus from Wardak insait long tupela wik long wanem ol Afghan laim oli givim samting blong pait long ol oli gohet long kosim belheve long komuniti.

Dispela i wanpela problem gen long ol force long hap we Amerika i gopas long ol, bihaim Mr Karzai ibin givim oda long pinisim pasin blong ol lokol sekiuriti lain i save askim ol NATO long makim air strikes.

Dispela i makam bihain long planti moa long ol pipol long peles i save dai long ol air strikes.

Mausman blong president, Aimal Faizi itok President Karzai, i mekim dispela disisan abautim Wardak long wanpela miting blong national security council.

Em i tokim ol niuslain olsem ol US special forces na ol illegal armed grup we oli setim ap i wok long kapapim koros pait na bagarapim sindaun blong pipol insait long dispela prvins.

Long narapela heve, oli kisim wanpela sumatim long haus blongen long nait na oli painim dai bodi blongen we oli bin paitim na katim nek blongen aninit long wanpela bris, oli tok long wanpela nius toktok.

AFP