Japan itok Sea Shepherd bampim ship blong ol

Japan itok Sea Shepherd bampim ship blong ol

Japan itok Sea Shepherd bampim ship blong ol

Updated 26 February 2013, 12:10 AEDT

Japan itok bot blong ol anti-whaling activist ibin bampim ship blong ol taim oli traim long filim ap fiul long Antarctic solwara.

Ol whaling lain blong Japan i sutim tok long ol anti-whaling activist long bampim Nisshin Maru factory ship taim em i traim long kisim fiul long narapela ship long Southern Ocean.

Institute blong Cetecean Research ibin autim wanpela toktok we i korosim Sea Shepherd long wokim pasin we i "malicious and unacceptable" or i pasin nogut tru.

Dispela whaling ship na fuel tanker i stopim long rifilim fiul bihain long ol boat Steve Irwin, Bob Barker na Sam Simon i bampim ol 5-pela taim.

Oli tok dispela i denjaras pasin we i putim laif blong ol pipol long ship ia na safety blong dispela research ship.

Director blong Sea Shepherd, Doctor Bob Brown itok ol dispela tokwin ino tru.

Bob Brown itok Sea Shepherd i wok king traim tasol long stopim tupela whaling ship ia long pampim fiul igo long narapela.

Em itok dispela factory ship i wokim iligal hanting blong wel na rifilim fiul long Antarctic solwara.

 

 

Long aste, Sea Shepherd itok dispela 12,000-tonne ship, Shirase, i kamap long halvin long whaling ship ia long kisim fiul.

Dispela em i ship blong Japanese Maritime Self Defence Force.

Federal Environment Minister Tony Burke itok Japan itok em ino tru igat wokbung namel dispela icebreaker ship na ol whaling ship, tasol em i laik save sapos ship ia i sapotim oa putim ol man blong Japan igo long dispela fuel tanker.

Dr Brown itok wanpela long ol tripela helicopter blong dispela icebreaker ship ia ibin wok long halvim wanpela Korean tanker long go kamap long dispela  Nisshin Maru.

Em itok em i poret pait bai kamap namel long ol whalers na ol activist.