Ol meri i protest long Lae

Ol meri i protest long Lae

Ol meri i protest long Lae

Updated 26 February 2013, 14:59 AEST

Ol meri na mama long  Papua New Guinea i les tru nau long vailans egensim ol meri na despla pasin nogut imas stop.

Ol meri long i les nau long kainkain nogut pasin ol i save kisim na i mekim protes long ol dispela vailans egensim ol meri imas stop.

Despla toktok ibin kamap tede long wanpla bikpla protes emi bin kamap long Lae, Morobe provins taem ol meri ibin holim wanpla march long soim bel kaskas blong ol long pasin em ol man isave mekim long ol meri.

Long wik igo pinis 5pla man ibin rapim wanpla nurse blong Angau Memorial hospital long Lae, na despla ibin mekim ol dokta na helt wokas long haus sik long stopim sampla sevis long haus sik.

Na tu sampela lain ibin kukim long paia na kilim dai wanpela meri long Western Highlands long wanem oli sutim tok em i wokim sanguma pasin.

Ol dispela i mekim ol meri long planti hap long Papua New Guinea i wok long tokaut long ol kainkain vailans we ol man i save wokim long ol.