PNG land lease holda bikpela dinau

PNG land lease holda bikpela dinau

PNG land lease holda bikpela dinau

Updated 27 February 2013, 12:06 AEDT

Ol lease holda blong gavman land long Papua New Guinea i gat bikpela dinau long land rates.

Papua New Guinea Lands Department itok insait long tripela wik igo pinis, ol lease holder blong gavman land long National Capital District i ouim inap long 50 milion Kina long gavman.

Secretary blong Lands Dipartment Kila Pat itok dispela i soim bikpela wok i stap long kolektim planti moni we ol lease holda long kantri i ouim gavman .

Em itok dipartment blong em nau i gat wanpela niupela program we bai halvim ol long stretim planti long ol heve we i mekim depatment ino wok gutpela tumas long bipo.

Mr Pat i tok dispela sistem em ol i kolim long Fully Automated titleing System.

Minista bilong Lands bai lonsim dispela progrem long mun Oktoba bilong dispela yia na ol i bai stat long iusim.