China polusen protes vot

China polusen protes vot

China polusen protes vot

Updated 18 March 2013, 10:10 AEST

Sampela deleget long miting blong palamen blong China i mekim wanpela protes long bikpela level blong polusen long kantri.

Sampela handred deleget i disaid long vot agensim wanpela environment polisi bihain long dei i pulap nogut tru long simuk na ea em i nogut long pulim win.

Long olgeta taim, ol deleget long Congress i save wanbel long vot, tasol long wanpela protes agensim ol einvironment ofisel, sampela deleget i vot agensim wanpela niupela komiti.

Namel long klostu long 3000 deleget, 850 ibin vot agensim dispela niupela Environmental Protection na Resources Conservation Committee, na 120 oli no vot.

Gavman blong China igat planti presa long dil wantaim polusen problem blong kantri.

Tasol long toktok blongen long pinisim palamen miting, niupela premier Li Keqiang itok nabawan samting nau em long mekim ikonomi blong China i stap strong.

 

Em itok China i bikpela kantri na igat planting wari long gavman i tingting longen.

Tasol em itok nabawan samting nau em long mekim ikonomi blong kantri i stap strong. Em itok China em imas redi long fesim ol kain protes olsem long gutpela pasin.

Premier Li Kequiang itok China em imas kipim ikonomi i strong, kipim prais blong ol samting i daun na noken wokim samting we bai bagarapim ikonomi blong kantri.

 

ABC/AFP