Vanuatu i redi nao long nupla hockey sports field

Vanuatu i redi nao long nupla hockey sports field

Vanuatu i redi nao long nupla hockey sports field

Updated 21 October 2013, 16:20 AEDT

Hockey long Vanuatu ibin stat long 2006. Stat long displa taim ikam nap nao, bikpla wok divelopment i wok long kamap long pulim ol yangpla pipol long join long displa pilai. 

Vanuatu Hockey Federation i redi nau long opim nupla Hockey sports field blong ol long Trinde long despla wik.
 
Oli bin statim sports blong Hockey long 2006 na nau emi wok long pulim planti yangpla pipal long go insaet long despla game.
 
Despla nupla hockey sports field i kamap bihaenim sapot ikam long gavman iet blong Vanuatu, Australia Aid, Oxfam Australia, International Hockey Federation and Oceania National Olympic Committee.
 
Tasol tupla bikpla laen husat ibin kirapim tingting blong mekim despla nupla Hockey sports field em Wan Smol Bag Theatre Kampani na Vanuatu Hockey Federation.
 
George Kalkaua blong Wan Smol Bag i tok taim hockey ibin stat long 2006, ol ibin iusim wanpla liklik field blong yut senta blong ol.
 
"Mipla iusim displa hap igo nap mipla lukim olsem ino gat spes bikos planti yut i interest long hockey na field ino inap," em ibin tok.
 
"Moa longen, ol narapla sports tu i iusim spes so mekim se mipla mas painim mani long nupla field."
 
Jenny Bowtell, em i Development Ofisa wantem Wan Smol Bag long saed blong hockey. 
 
"Mi laik tok tenkyu long ol sponsa longwanem em i givim mipla chans long displa sports wantaim tu, long bikpla pilai na host blong 2014 Oceania Youth Olympic Qualifiers."

Ol Het-tok: