Barrick Gold kompensesan moni long reip long Porgera ino inap

Barrick Gold kompensesan moni long reip long Porgera ino inap

Barrick Gold kompensesan moni long reip long Porgera ino inap

Updated 15 April 2015, 14:17 AEST

Igat bikepal heve i stap yet long sait long kompensesan moni Brarrick Gold i peim long ol meri sampela wokman ibin reipim ol long Pogera.

Ol kompensesan moni em Barrick Gold Mining kampani blong Canada, ibin baem ol mama na ol yangpla meri bihaen long ol sekiuriti gard ibin rapim ol long PNG Pogera Mine, em ino inap.
 
Despla toktok ikam long Kay Kuamugle, meri husat ibin helpim ol meri em ol security guard i bin rapim ol long Porgera Mine.
 
Barrick Gold emi wanpla bikpla Gold mining kampani tru long wold na emi bin tok oraet long baem compensation igo long 11pla meri bihaen long oli bin tok bai oli bringim wari blong ol igo long wanpla kot long America.
 
Sampla long ol despla meri em ol man ibin rapim ol em ol yangpla meri tru, em krismas blong ol ibin stap olsem wanpla ten foa.
 
Kay Kuamugle itok olsem laif blong ol despla meri nau i bagarap olgeta long wonem Barrick Gold i bagarapim graon blong ol na oli save kisim pipia long Gold mine blong lukautim sidaon blong ol.