Waka fo mekem West Papua hem ful MSG memba mas folom rait process

Waka fo mekem West Papua hem ful MSG memba mas folom rait process

Waka fo mekem West Papua hem ful MSG memba mas folom rait process

Updated 11 October 2016, 16:49 AEDT

Secretary blong Chairman blong Melanesian Spearhead Group hem mekeim klia olsem tingting fo mekem United Liberation Movement for West Papua fo kamap ful memba blong MSG hem mas folom rait process.

Rence Sore hem se wanfala sub-committee long legal an institutional samting hem mas mit fo kamap wetem olketa gaedlaen wea babae MSG governing body hem iusim fo admitim ULMWP olsem ful memba.
 
Hem se nomata, Solomon Islands, Vanuatu an olneta FLNKS blong New Caledonia i laekem tumas fo West Papua hem garem ful membership - process hem stap wea olketa mas folom.
 
Mr Sore hem se, Chairman blong MSG Praem Minista Manasseh Sogavare hem no hapi long wei wea tupela lida blong Fiji an Papua New Guinea ino atendim special leaders summit wea olketa se fo holem finis disfala manis.
 
Mr Sore hem se disfala isiu blong membership and bajet i tufala long olketa impotan samting long nara special MSG Leaders summit olketa plan fo holem long December.
 
So hem se sapos tufala Pappua New Guinea an Fiji ino laek atendim, bae miting hem stil gohet.
 
Mr Sore hem se olketa nius ripot olsem bae olketa trifala MSG bae gohet nomoa an admitim ULMWP, taem olketa no folom rait proses, hem no stret.