MSG mas no mekem technicality excuse fo stopem West Papua full membership

MSG mas no mekem technicality excuse fo stopem West Papua full membership

MSG mas no mekem technicality excuse fo stopem West Papua full membership

Updated 13 October 2016, 9:05 AEDT

Parliamentary Lida blong Solomon Islands in Solidarity for West Papua an MP blong West Makira, Derek Manuari hem se olketa Melanesian lida mas no gohet fo iusim wanem hem kolem technicalities fo blokem ful membership blong West Papua insaet long Melanesian Spearhead Group.

Mr Manuari hem se West Papua hem nid fo stap insaet long MSG mekem olketa garem vois fo toktok long olketa isiu blong olketa.
 
Hem se pipol long evriwea long olketa Melanesian kantri an olketa narafala aelan kantri tu i sapotim rait blong olketa pipol blong West Papua fo standap seleva - an luksave tu long trabol olketa stap insaet andanit long rul blong Indonesia.
 
Hem sapotim tu olketa toktok olsem, Indonesia hem no Melanesian kantri an hem mas aot from disfala Melanesian grup.
 
Mr Manuari hem se, onli risin wae Indonesia hem laek stap insaet long disfala grup ia nao hem fo blokem United Liberation Movement for West Papua fo kamap ful memba.
 
Hem se diswan hem soam aot long hao hem kontrolem tufala Fiji an Papua New Guinea gavman long issiu blong ful membership.
 
Mr Manuari hem se, hem long-overdue fo disfala United Liberation Movement for West Papua fo kamap ful memba olsem olketa FLNKS blong French territory blong New Caledonia.