West Papua Flag Day Celebration long Pacific

West Papua Flag Day Celebration long Pacific

West Papua Flag Day Celebration long Pacific

Updated 2 December 2016, 8:52 AEDT

Ol West Papua independence sapota long ol Papua province blong Indonesia yet, long sampela Pacific ailan kantri wantaim tu long hia long Australia na long wold i makim nabawan taim we ol pipol blong West Papua i apim Morning Star independence flag blong ol.

Em i bikpla dei blong ol West Papua pipal long wold we oli apim oa raisim  Morning Star flag blong ol na soim laik blong ol long kisim freedom lusim Indonesia.
 
Despla i makim dei taem we Holland ibin larim ol pipal blong West Papua long flaim Morning Star long redim long kisim indipendans 55 yiar igo pinis.
 
Despla plan blong ol ibin bagarap taem gavman blong Indonesia ibin go na mekim ol pipal i vout long wonem oli kolim nau olsem vout of free choice long go na kamap olsem hap blong Indonesia.
 
Tasol planti pipal blong West Papua i go hed iet wantem fait blong ol long lukautim ol iet.
 
Sampela West Papua selebresen tu ol i wokim long sampela hap long Papua New Guinea, long Solomon Islands na Vanuatu.
 
Long Honiara tede, ol lain blong Solomon Islands in Solidarity for West Papua i apim Morning Star flag tu blong selebretim dispela dei.
 
Long Vanuatu tede long morning, Pastor Allan Nafuki, Chairman blong West Papua Unification Committee ibin go pas long seremoni long Port Vila.
 
Long hia tu long Melbourne ol West Papua komuniti wantem ol sapota blong ol blong Australia ibin bung long makim despla day we West Papua activist, Ronny Kareni i wanpela long ol we i gopas longen.