Ol meri i tok tenkyu long PNG gender-based national strategy

Ol meri i tok tenkyu long PNG gender-based national strategy

Ol meri i tok tenkyu long PNG gender-based national strategy

Postim 16 December 2016, 16:42 AEDT

Planti handred long ol meri we i makim ol kainkain women's grup na wanwan ibin holim wanpela kibung long Port Moresby tede moning, em long tok tenkyu long gavman i kamapim wanpela national strategy or rot blong kantri long sait long gender-based violence.

Pastaim, as tingting long dispela rally or kibung em long protest or autim belkros long wanem gavman ino hariap long kamapim wanpela national strategy long sait long ol kainkain heve we ol meri na pikinini i save bungim.
 
Tasol gavman i aburisim dispela protest bihain long em i oraitim wanpela national strategy long sait long gender-based violence long aste, na ol meri i tanim dispela protest igo long tok tenkyu long gavman.
 
Niusmeri blong ABC long Port Moresby, Joy Kisselpar i tok ol lida we i toktok long dispela kibung i autim wari blong ol long sait long ol kainkain heve we ol meri na pikinini i save bungim long Port Moresby.