Australia PM ino bringim ap West Papua heve long Indonesia President

Australia PM ino bringim ap West Papua heve long Indonesia President

Australia PM ino bringim ap West Papua heve long Indonesia President

Updated 28 February 2017, 13:21 AEDT

Ol pipal blong West Papua itok oli wari tru long pasin em Australian Praim Minista Malcolm Turnbull ino bin toktok wantaim President Joko Widodo long ol human rights isiu long West Papua.

Tupela lida wantaim ibin tokaut long gutpela wokporoman blong kantri blong tupela bihain long wokabaut blong Predisent Widodo long Australia long wiken.
 
Mr Turnbull i tok Australia bai respektim ol internal affairs blong Indonesia olsem ol ibin tok oraet longen aninit long Lombok Treaty.
 
Ronny Kareni emi wanpla West Papua Activist long Australia i tok oli wari olsem toktok blong Praim Minista Turnbull bai mean olsem Australia bai no toktok long ol wari blong ol Melanesian pipol blong West Papua.
 
Ol i sutim tok long Indonesia long bagarapim na kilim dai planti handred tausan pipol blong West Papua.
 
long Sande ol pipal blong West Papua na ol sapota blong ol ibin mekim protest mas long Sydney, na taste ol protes ibin gohet long Western Australia na tu long Northern Territori long sapotim ol pipal blong West Papua.