Solomon Islands na Australia Pacific Wokas

Solomon Islands na Australia Pacific Wokas

Solomon Islands na Australia Pacific Wokas

Updated 1 March 2017, 14:24 AEDT

High Commissioner blong Solomon Islands long Australia i askim gavman blong Australia long mekim ol loa i isi long ol pipal blong Solomon Islands na ol narapla kantri long Pacific long kam mekim ol narapla wok long Australia na ino long ol farms tasol.

Colin Beck i mekim despla toktok bihaenim askim blong mipla sopos kantri blong en i hamamas wantem ol halvim em Australia isave givim we i save larim ol wokman-meri blong Solomon Islands long wok long horticulture industry long Australia.

Mr Beck itok emi hamamas long despla halvim blong Australia, tasol emi tok emi laik lukim ol pipal em oli save skul long ol Australian Pacific Technical Colleges long iusim despla save blong ol na kam wok tu long Australia.

Ol wok em oli Pacific pipal iken wok long ol long Australia em olsem, Hospitality na tu wok long Helt sekta.

New Zealand tu isave larim ol pipal blong Solomon Islands na Pacific long wok long hap aninit long Recognised Seasonal Employer scheme.

High Commissioner Colin Beck itok tu olsem maski despla seasonal wokas scheme i helpim gut ol pipal long Pacific, bai gutpla tru sopos Australia i kisim tu ol sumatin em oli save skul na kisim certificate long ol Australian Pacific Technical Colleges em oli stap long sampla Island kantri long rijan.