Ol meri i promotim PNG bilum long Australia

Ol meri i promotim PNG bilum long Australia

Ol meri i promotim PNG bilum long Australia

Postim 3 March 2017, 15:31 AEDT

Wanpla laen meri blong strongim wok blong ol bilum weavers blong Papua New Guinea i raon nau long Australia long toktok na promotim Bilum em ol meri PNG isave mekim.

Ol despla meri i memba blong Bilum Export and Promotion Association na oli sanap makim moa long 600 ol mama long planti hap blong kantri.
 
As tingting blong despla grup em blong helpim ol meri na mama long mekim ol bilum na ol narapla art na craft wok na salim blong mekim moni long halvim ol iet na ol wanwan femili blong ol.
 
Sharlene Gawi emi Executive Officer blong Bilum Export and Promotion Association i tok gavman blong Australia i sapotim despla project.