Pacific grup i tokim UN ol human rights issiu long West Papua

Pacific grup i tokim UN ol human rights issiu long West Papua

Pacific grup i tokim UN ol human rights issiu long West Papua

Postim 3 March 2017, 15:17 AEDT

Wanpla West Papua lida long Australia i askim strong Australia, New Zealand na Papua New Guinea long joinim Vanuatu na sikispla  kantri long Pacific long sapotim ol wok blong mekim Indonesia i stopim human rights abuse long ol West Papua pipal.

Ronny Kareni i mekim despla toktok bihaen long jastis minista blong Vanuatu Ronald Warsal ibin go pas long ol despla kantri na  tokim United Nations Human Rights Council long planti human rights abuse long West Papua aninit long han blong ol sekiuriti fos blong Indonesia.
 
Liam Fox blong Pacific Beat i ripot olsem  Mr Warsal ibin tokim tu United Nations olsem gavman blong Indonesia iwok long bringim ol Asian pipal igo stap long graon blong ol pipal blong West Papua, we em i tok ino stret pasin.
 
Tasol gavman blong Indonesia itok olsem ol despla toktok ino tru na emi tok Vanuatu imas stretim pastem ol wari blong en iet long saed blong human rights.
 
Tokman blong Indonesia long Human Rights Council itok emi no wanbel wantem ol despla toktok blong Vanuatu na ol narapla Pacific islands kantri.