Wea plan blong rausim ol Refugee na Asylum Seeker long Manus?

Wea plan blong rausim ol Refugee na Asylum Seeker long Manus?

Wea plan blong rausim ol Refugee na Asylum Seeker long Manus?

Updated 14 March 2017, 15:29 AEDT

Memba blong Manus open long Papua New Guinea National Palaman, Ronny Knight i singautim tupela gavman blong PNG na Australia long kam aut klia long wanem trutru rot ol bai bihainim long rausim hariap ol asylum seeker na refugee long Manus Islands ditensan senta.

Mr Knight i mekim despla toktok bihaen long PNG Planning Minister, Charles Abel ibin tokaut long wik igo pinis olsem bai oli pasim senta long mun October long despla yia.
 
Ol Australian minista blong Foreign affairs, Julie Bishop na Minister blong  Immigration na Border Protection Peter Dutton MP ibin stap long Australia na PNG ministerial miting long Madang long wik igo pinis.
 
Long yia igo pinis Australia ibin tokaut olsem em bai pasim despla senta, tasol nogat wanpla gutpla toktok ikamap yet, na moa long 800 asylum na refugees istap raon iet long Manus Island.
 
Mr Knight i tok maski ol i tokaut long mun October long pasim dispela senta, em ino hamamas long wanem miting blong ol minista ia ino bin toksave long wanpela klia rot long hau bai oli autim ol dispela lain long ditensan senta.