Australia i helpim PNG NARI helpim kantri grouim rice

Australia i helpim PNG NARI helpim kantri grouim rice

Australia i helpim PNG NARI helpim kantri grouim rice

Postim 15 March 2017, 15:24 AEDT

National Agriculture Research Institute blong Papua New Guinea i luksave long rice olsem wanpela impotant kaikai long sait long food security blong kantri.

Na Papua New Guinea gavman ibin tokaut pinis olsem em i laik lukim PNG i kamap indipendent long sait long rice na kamap expota blong rice.
 
Long Papua New Guinea iken kamap indipendent long sait long rice indastri, NARI ibin wok long mekim research long kamapim ol kaikain rice we i gutpela long grouim long ol kainkian hap long kantri - we i save gat planti kaikai longen.
 
Director General long NARI, Dr Sergie Bang i tok narapela samting ol rice fama long PNG i save painim had tru longen em long milling oa pasin blong rausim skin blong rice.
 
Long dispela nau, Dr Bang em i tok tengkiu long halivim blong gavman blong Australia aninit long Incentive Fund blongen - long help long wanpela Rice Milling Technology research long Morobe Province.
 
Foran Minister blong Australia, Julie Bishop nau i lonsim dispela Rice Milling Technology taim em i visit long Lae long wik igo pinis.