Australia imas strongim moa wok poroman na security wantaim ol Pacific kantri

Australia imas strongim moa wok poroman na security wantaim ol Pacific kantri

Australia imas strongim moa wok poroman na security wantaim ol Pacific kantri

Postim 16 March 2017, 15:04 AEDT

Wanpela save meri long Pacific politik i wanbel long toktok blong Australian oposisan long wari olsem Australia iwok long lus tingting long ol wok security long Pacific rijan na tu long Australia iet.

Dr Tess Newton Cain i wanbel wantaim toktok blong Richard Marles, tokman blong oposisan long sait long defence taim em i toktok long miting blong Australian Strategic Policy Institute long Canberra aste.
 
Mr Marles husat ibin parliamentary secretary blong Pacific islands long gavman blong Julia Gillard, i sutim tok long Australia olsem emi wok long wari tumas long ol kantri long Middle East we oli longwe tumas na lus tingting long Pacific rijan we Australia i stap insait.
 
Mr Marles husat i memba blong Australian Labor pati itok tu olsem ol kantri blong Pacific nau iwok long lukim olsem Australia ino wari long ol.
 
Long despla taem sampla Pacific kantri igat ol wokbung wantem China na Russia na despla i mekim Australia i wari.