Sikisfala tim long OFC Champions League grup C an D stil garem chance

Sikisfala tim long OFC Champions League grup C an D stil garem chance

Sikisfala tim long OFC Champions League grup C an D stil garem chance

Postim 16 March 2017, 14:44 AEDT

Long olketa Group C game wea olketa ibin pleim long Mangere Centre Park long Auckland yestede, Western United blong Solomon Islands hem winim Malampa Revivors blong Vanuatu 2-1; and Auckland City hem winim Laer City Dwellers blong Papua New Guinea 2-0.

So afta tufala raon, 6-time Champion Auckland City hem top long ladder wetem 6 fala point, and Lae City Dwellers and Western United tufala garem 3 points each.
 
Diswan hem minim olketa trifala klab, Auckland City, Western United and Lae City Dwellers i stil garem chance fo go long semi-faenol - dipend long outcome long last group game blong olketa long Sarere.
 
Bat Malampa Revivors olketa ino garem ani chance fo go long semi faenol nao bihain olketa i lusim tufala match blong olketa finis.
 
Long olketa last Group C game long Sarere, bae Lae City Dwellers hem pleim Western United and Malampa Revivors hem pleim Auckland City.
 
Nao long Group D we olketa bin plei long Pirae Stadium long Tahiti yestede tu, Erakor Golden Star blong Vanuatu hem winim Marist Fire blong Solomon Islands 2-1; and Tefana blong Tahiti hem winim Rewa FC blong blong Fiji, 2-0.
 
Afta tufala raon, AS Tefana hem garem 6 fala point, Erakor Golden Star 3, Marist Fire 3 and Rewa hem no garem eni point so hem no garem chance nao fo go long semi-faenol.
 
Olketa last Group D plai bae long Pirae stadium moa long Sarere taem blong iumi wea bae Rewa hem pleim Erakor Golden Star and bihaen, bae Marist Fire hem pleim Tefana.
 
Eniwan long olketa Tefana, Marist and Erakor Golden Star i stil garem chance fo go long semi-faenol.
 
Nao long  FIFA Under-20 World Cup wea bae Korea Republic hem hostim from naba 20 long May kasem naba 11 long June, olketa mekem draw nao long olketa kantri wea bae plei long hem.
 
Tufala Vanuatu and New Zealand nao bae repserentim iumi long Oceania.
 
Vanuatu hem stap long Group B wea hem wanfala taf grup wetem Germaby and Mexico wetem Venezuala.
 
New Zealand hem long Group E wetem France, Honduras and Vietnam.
 
New Zealand and Vanuatu tufala qualifae fo FIFA U-20 World Cup Korea 2017 bihaen tufala kasem faenol blong 2016 OFC U-20 Championship long Vanuatu last September. 
 

Ol Het-tok: