PNG ino laik stap long Pacer-Plus

PNG ino laik stap long Pacer-Plus

PNG ino laik stap long Pacer-Plus

Updated 20 March 2017, 14:24 AEDT

Praim Minista blong  Papua New Guinea, Peter O'Neill, itokaut ken olsem kantri blong en bai no nap stap insaet long despla wok trade em oli kolim PACER PLUS wantem  Australia na  New Zealand tasol em bai strongim ol wok trade wantem ol kantri blong Melanesia.

Mr O'Neill ibin autim despla toktok blong en long United Oceans miting long Fiji, we emi bin tok bikpla laik blong gavman blong en em blong strongim Free Trade Agreement wantem ol memba kantri blong Melanesian Searhead Group oa MSG.

Ol despla kantri em long Fiji, Papua New Guinea, Solomon Islands na Vanuatu. Toktokt blong Mr O'Neill ibin stap long  Pacific Beat progrem long moning.

Ol ripot itok Fiji na Solomon Islands i sainim pinis tok oraet blong salim ol samting namel long despla tupla kantri, na Mr O'Neill itok PNG  laik go insaet tu long despkla wankaen tok oraet kuik taem.

Long 2016, PNG ibin tokaut olsem em bai no nap go insaet long despla Pacer-Plus wokbung, na Praim Minista Peter O'Neill ibin tokaut ken long despla long despla  long wikend.